В 3-ю неделю по Пятидесятнице совершается празднование Собора Волгоградских святых, установленое решением Священного Синода Русской Православной Церкви от 16 мая 2023 года. Тогда же был утвержден и поименный список святых, вошедших в Собор:

Благоверный великий князь Алекса́ндр (в схиме Алекси́й) Невский
Преподобная Арсения Усть-Медведицкая (Себрякова), игумения
Святитель Ви́ктор (Островидов), Гла́зовский, епископ
Исповедник Влади́мир (Терентьев), игумен
Священномученик Гермоге́н (Долганев), Тобольский, епископ
Святитель Гу́рий Казанский, архиепископ
Благоверный князь Дави́д Ярославский
Благоверный князь Константи́н Ярославский
Благоверный князь Михаил Ярославич Тверской
Священномученик Никола́й Попов, пресвитер
Священномученик Петр Никотин, пресвитер
Преподобный Петр Ордынский, Ростовский, царевич
Преподобномученик Софро́ний (Несмеянов), иеромонах
Благоверный князь Фео́дор Ростиславич Черный, Смоленский, Ярославский

Молитва

О всеблаже́ннии и богому́дрии уго́дницы Бо́жии, по́двиги свои́ми зе́млю Волгоградскую освяти́вшии, душа́ми же Свои́ми ныне Престо́лу Бо́жию предстоя́щии и непреста́нно о ней моля́щиися! Се ны́не, в день о́бщаго ва́шего торжества́, мы, гре́шнии, ме́ньшая бра́тия ва́ша, дерза́ем приноси́ти вам сие́ хвале́бное пе́ние. Велича́ем ва́ша вели́кия по́двиги, духо́внии во́ини Христо́ви, терпе́нием и му́жеством до конца́ врага́ низложи́вшии и нас от пре́лести и ко́зней его́ избавля́ющии. Ублажа́ем ва́ше свято́е житие́, свети́льницы Боже́ственнии, све́том ве́ры и доброде́телей светя́щиися и на́ша умы́ и сердца́ богому́дренно озаря́ющии. Прославля́ем ва́ша вели́кая чудеса́, цве́ти ра́йстии, в стране́ на́шей прекра́сне процве́тшии и арома́ты дарова́ний и чуде́с повсю́ду благоуха́ющии. Восхваля́ем ва́шу богоподража́тельную любо́вь, предста́телие на́ши и покрови́телие, и, упова́юще на по́мощь ва́шу, припа́даем к вам и вопие́м: вси святи́и сро́дницы на́ши, от лет дре́вних просия́вшии и в после́дния дни подвиза́вшиися, явле́ннии и неявле́ннии, ве́домии и неве́домии! Помяни́те на́шу не́мощь и уничиже́ние и моли́твами ва́шими испроси́те у Христа́ Бо́га на́шего, да и мы, безбе́дно преплы́вше жите́йскую пучи́ну и невреди́мо соблю́дше сокро́вище ве́ры, приста́нища ве́чнаго спасе́ния дости́гнем и в блаже́нных оби́телех Го́рняго оте́чества вку́пе с ва́ми и со все́ми угоди́вшими Ему́ от ве́ка святы́ми водвори́мся благода́тию и человеколю́бием Спаси́теля на́шего Го́спода Иису́са Христа́, Ему́же со Преве́чным Отце́м и со Пресвяты́м Ду́хом подоба́ет непреста́нное славосло́вие и поклоне́ние во ве́ки веко́в. Ами́нь.